Bardagahópar hliðhollir íraska hernum eru nú á leið til Ramadi til að ráðast gegn liðsmönnum hryðjuverkasamtakanna íslamska ríkið. Samtökin náðu borginni á sitt vald í gær.
Ramadi er höfuðborg Anbar, stærsta héraðs Írak og er staðsett rúmum hundrað kílómetrum vestur af Bagdad, höfuðborg Íraks.
Í tilkynningu sem sögð er vera frá Íslamska ríkinu segir að vígamenn samtakanna hafi einnig tekið herstöð á svæðinu og skriðdreka og fleiri vopn sem hermennirnir skildu eftir. BBC segir að um 500 manns hafi látist í átökunum í gær þegar íraski herinn yfirgaf borgina.
Ráðast gegn ISIS í Ramadi
Tengdar fréttir
Ramadi fellur undan sókn ISIS
Íraski herinn hefur yfirgefið borgina eftir harða bardaga við vígamenn.
