Hugsjónir Bjartrar framtíðar Guðmundur Steingrímsson skrifar 18. apríl 2015 07:00 Í viðtali á dögunum auglýsti Ingibjörg Sólrún Gísladóttir eftir meiri umræðu um hugsjónir í íslenskum stjórnmálum. Okkur í Bjartri framtíð er ljúft og skylt að bregðast við áskoruninni. Fátt er mikilvægara í stjórnmálum en að ræða hugsjónir. Björt framtíð er hugsuð frá grunni sem flokkur nýrrar kynslóðar í stjórnmálum, nýrra aðferða og nýrra tækifæra. Við teljum að flest mál sé hægt að leysa með skynsamlegu samráði, með því að skiptast á skoðunum og deila kunnáttu og upplýsingum. Við bendum á að úti um allt í samfélaginu er farsællega verið að leysa flókin mál, án þess að fólk telji nauðsynlegt að grípa til svívirðinga, útúrsnúninga eða klækjabragða. Það sem er hægt í daglega lífinu, er líka hægt í pólitík. Með þessu hugarfari viljum við taka þátt í stjórnmálum.Vertu þú sjálf En stjórnmálaþátttaka okkar snýst ekki bara um þetta. Samráð væri lítilfjörlegt ef fólk kæmi ekki til borðsins nestað hugsjónum og sýn. Björt framtíð er frjálslyndur flokkur. Þetta þýðir að við teljum að gott samfélag einkennist af því að sem flestar manneskjur geti notið hæfileika sinna á þann hátt sem þær óska. Vertu þú sjálf, segjum við. Gerðu það sem þú vilt. Hlutverk ríkisvaldsins er að skapa góða umgjörð fyrir svona samfélag. Mjög víða er misbrestur á því. Hugsunin virðist oft vera allt önnur. Sérhagsmunum er hampað á kostnað hagsmuna fjöldans. Sumum atvinnugreinum á kostnað annarra. Þannig nálgun hafnar Björt framtíð. Björt framtíð leggur höfuðáherslu á réttindi allra til þess að fá notið sjálfstæðis og frelsis. Þess vegna vill Björt framtíð freista þess að ná góðum samningi við ESB og taka í kjölfarið upp evru. Það er mögulega besta leiðin til að skapa þessa umgjörð sem við tölum um: Þar sem fólk getur á grunni meiri stöðugleika, fjölbreyttari tækifæra og betri lífskjara skapað sér sitt eigið líf.Stóru málin Þess vegna brennum við líka fyrir menntamál og heilbrigðismál. Þau mál eru ekki eins mikið rædd og við myndum vilja. Góð menntun er höfuðforsenda þess að fólk geti ræktað sig sjálft og uppgötvi hæfileika sína. Gott heilbrigði, andlegt og líkamlegt, er það líka. Það er okkur óskiljanlegt af hverju brottfall úr skólum er ekki höfuðúrlausnarefni stjórnmálanna eða uppbygging heilsugæslu og lýðheilsu um land allt. Við erum mannréttindaflokkur. Við líðum ekki misrétti. Sumir halda kannski að þessi mál séu í stakasta lagi. Svo er ekki. Tökum dæmi: Fatlað fólk nýtur ekki mannréttinda, innflytjendur lenda milli steins og sleggju, skoðanakúgun fyrirfinnst í litlum einsleitum samfélögum, trúarfordómar eru stigvaxandi, fólk fær ekki að bera nafn sitt án opinberra afskipta, gæðum er útdeilt á óréttlátan hátt og allt of margir búa við fátækt. Verkefnin eru æpandi. Við viljum líka að Ísland tali skýrt gegn mannréttindabrotum af öllu tagi á heimsvísu og sé boðberi jafnréttis og friðar.Þumalputtaregla BF Björt framtíð heitir þessu nafni af ástæðu. Við teljum að langtímahugsun sé nánast engin í stjórnmálum á Íslandi. Við viljum breyta því. Allt sem við gerum í dag getur bætt heiminn á morgun. Ef allir hefðu hugsað svona alltaf, væri heimurinn frábær. Þetta er mælikvarði Bjartrar framtíðar, sem við leggjum á öll mál: Bætir aðgerðin, stefnan, þingmálið, kjarasamningar heiminn á morgun eða er vandanum velt á komandi kynslóðir? Af þessum sökum lögðumst við til dæmis gegn svonefndri skuldaleiðréttingu. Hún bitnar á framtíðinni. Við erum umhverfisverndarflokkur. Gæðum náttúrunnar, hreinni og lífvænlegri veröld, verðum við að skila til næstu kynslóða. Það er hugsunin með sjálfbærni. Hana aðhyllumst við. Við leggjumst gegn hvers konar sóun og illri meðferð lífsins gæða, á hvaða sviði sem er.Enga frekju Við aðhyllumst traust til fólks. Þess vegna erum við lýðræðisafl. Svona lítum við á Alþingi: Þar kemur saman fólk sem aðhyllist ólíkar hugsjónir. Það er fegurðin við þingið. Hún er ekki alltaf augljós. Við teljum að þar sem ólík sjónarmið koma saman, á þingi eða í sveitarstjórnum, sé líklegast að bestu lausnirnar skapist. Við viljum hlusta jafnmikið og við tölum. Gegn ofbeldi og yfirgangi munum við þó alltaf berjast af hörku, svo það sé á hreinu. Freki kallinn á ekki heima í Bjartri framtíð. Mjög mikið þarf að breytast til þess að þjóðfélagið verði eins og Björt framtíð vill hafa það. En til þess er Björt framtíð: Til þess að breyta. Til þess að hugsa hlutina upp á nýtt. Til þess að gera eitthvað af viti.Hefurðu sögu að segja eða skoðun að deila? Ef svo er sendu okkur grein ásamt mynd á netfangið ritstjorn(hja)visir.is Viltu birta grein á Vísi? Sendu okkur póst. Senda grein Alþingi Guðmundur Steingrímsson Mest lesið Gervigreind fyrir alla — en fyrir hvern í raun? Sigvaldi Einarsson Skoðun Hefur ítrekað hótað okkur áður Hjörtur J. Guðmundsson Skoðun Bandaríkin voru alltaf vondi kallinn Karl Héðinn Kristjánsson Skoðun Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun Þjóðaratkvæðagreiðsla vegna umsóknar um aðild að ESB er stjórnsýslugrín! Júlíus Valsson Skoðun Fjárskipti við slit óvígðrar sambúðar: Meginreglur og frávik Sveinn Ævar Sveinsson Skoðun Halldór 02.08.2025 Halldór Kæfandi klámhögg sveitarstjóra Jón Trausti Reynisson Skoðun Ísrael – brostnir draumar og lygar Ingibjörg Þóra Haraldsdóttir Skoðun Fyrsta flokks heilbrigðisþjónustu á Íslandi Lilja Alfreðsdóttir Skoðun Skoðun Skoðun Gervigreind fyrir alla — en fyrir hvern í raun? Sigvaldi Einarsson skrifar Skoðun Hefur ítrekað hótað okkur áður Hjörtur J. Guðmundsson skrifar Skoðun Þjóðaratkvæðagreiðsla vegna umsóknar um aðild að ESB er stjórnsýslugrín! Júlíus Valsson skrifar Skoðun Bandaríkin voru alltaf vondi kallinn Karl Héðinn Kristjánsson skrifar Skoðun Erum við á leiðinni í hnífavesti? Davíð Bergmann skrifar Skoðun Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier skrifar Skoðun Kæfandi klámhögg sveitarstjóra Jón Trausti Reynisson skrifar Skoðun Klár fyrir Verslunarmannahelgina? Ágúst Mogensen skrifar Skoðun Vegið að börnum í pólitískri aðför að ferðaþjónustunni Einar Freyr Elínarson skrifar Skoðun Hið tæra illa Gunnar Hólmsteinn Ársælsson skrifar Skoðun Ferðamannaiðnaður? Nei, ferðaþjónusta! Guðmundur Björnsson skrifar Skoðun Hæðarveiki og lyf Ari Trausti Guðmundsson skrifar Skoðun Landsvirkjun hafin yfir lög Björg Eva Erlendsdóttir skrifar Skoðun Fjárskipti við slit óvígðrar sambúðar: Meginreglur og frávik Sveinn Ævar Sveinsson skrifar Skoðun Þau eru framtíðin – en fá ekki að njóta nútímans Sigurður Kári skrifar Skoðun Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir skrifar Skoðun Hvers vegna þegir kristin, vestræn menning? Ómar Torfason skrifar Skoðun Trump les tölvupóstinn þinn Mörður Áslaugarson skrifar Skoðun „Já, hvað með bara að skjóta hann!“ Þórhildur Hjaltadóttir skrifar Skoðun Heimar sem þurfa nýja umræðu! Sigurður Árni Reynisson skrifar Skoðun Sársauki annarra og samúðarþreyta Guðrún Jónsdóttir skrifar Skoðun Í minningu sonar – og allra þeirra sem aldrei komu heim Kristín Dýrfjörð,Friðrik Þór Guðmundsson skrifar Skoðun Alþjóðalög eða lögleysa? Urður Hákonardóttir skrifar Skoðun Truman-ríkið: Tilraunir raunheimsins að komast í gegnum gervihvelfinguna Svala Magnea Ásdísardóttir skrifar Skoðun GPT‑5 kemur í ágúst – áskoranir og tækifæri fyrir Ísland Sigvaldi Einarsson skrifar Skoðun Við tölum um vöxt — en gleymum því sem vex Þórdís Hólm Filipsdóttir skrifar Skoðun Verri framkoma en hjá Trump Hjörtur J. Guðmundsson skrifar Skoðun Landið talar Davíð Arnar Oddgeirsson skrifar Skoðun Ætla þau að halda áfram að grafa sína eigin gröf? Kolbrún Áslaugar Baldursdóttir skrifar Skoðun Ísrael – brostnir draumar og lygar Ingibjörg Þóra Haraldsdóttir skrifar Sjá meira
Í viðtali á dögunum auglýsti Ingibjörg Sólrún Gísladóttir eftir meiri umræðu um hugsjónir í íslenskum stjórnmálum. Okkur í Bjartri framtíð er ljúft og skylt að bregðast við áskoruninni. Fátt er mikilvægara í stjórnmálum en að ræða hugsjónir. Björt framtíð er hugsuð frá grunni sem flokkur nýrrar kynslóðar í stjórnmálum, nýrra aðferða og nýrra tækifæra. Við teljum að flest mál sé hægt að leysa með skynsamlegu samráði, með því að skiptast á skoðunum og deila kunnáttu og upplýsingum. Við bendum á að úti um allt í samfélaginu er farsællega verið að leysa flókin mál, án þess að fólk telji nauðsynlegt að grípa til svívirðinga, útúrsnúninga eða klækjabragða. Það sem er hægt í daglega lífinu, er líka hægt í pólitík. Með þessu hugarfari viljum við taka þátt í stjórnmálum.Vertu þú sjálf En stjórnmálaþátttaka okkar snýst ekki bara um þetta. Samráð væri lítilfjörlegt ef fólk kæmi ekki til borðsins nestað hugsjónum og sýn. Björt framtíð er frjálslyndur flokkur. Þetta þýðir að við teljum að gott samfélag einkennist af því að sem flestar manneskjur geti notið hæfileika sinna á þann hátt sem þær óska. Vertu þú sjálf, segjum við. Gerðu það sem þú vilt. Hlutverk ríkisvaldsins er að skapa góða umgjörð fyrir svona samfélag. Mjög víða er misbrestur á því. Hugsunin virðist oft vera allt önnur. Sérhagsmunum er hampað á kostnað hagsmuna fjöldans. Sumum atvinnugreinum á kostnað annarra. Þannig nálgun hafnar Björt framtíð. Björt framtíð leggur höfuðáherslu á réttindi allra til þess að fá notið sjálfstæðis og frelsis. Þess vegna vill Björt framtíð freista þess að ná góðum samningi við ESB og taka í kjölfarið upp evru. Það er mögulega besta leiðin til að skapa þessa umgjörð sem við tölum um: Þar sem fólk getur á grunni meiri stöðugleika, fjölbreyttari tækifæra og betri lífskjara skapað sér sitt eigið líf.Stóru málin Þess vegna brennum við líka fyrir menntamál og heilbrigðismál. Þau mál eru ekki eins mikið rædd og við myndum vilja. Góð menntun er höfuðforsenda þess að fólk geti ræktað sig sjálft og uppgötvi hæfileika sína. Gott heilbrigði, andlegt og líkamlegt, er það líka. Það er okkur óskiljanlegt af hverju brottfall úr skólum er ekki höfuðúrlausnarefni stjórnmálanna eða uppbygging heilsugæslu og lýðheilsu um land allt. Við erum mannréttindaflokkur. Við líðum ekki misrétti. Sumir halda kannski að þessi mál séu í stakasta lagi. Svo er ekki. Tökum dæmi: Fatlað fólk nýtur ekki mannréttinda, innflytjendur lenda milli steins og sleggju, skoðanakúgun fyrirfinnst í litlum einsleitum samfélögum, trúarfordómar eru stigvaxandi, fólk fær ekki að bera nafn sitt án opinberra afskipta, gæðum er útdeilt á óréttlátan hátt og allt of margir búa við fátækt. Verkefnin eru æpandi. Við viljum líka að Ísland tali skýrt gegn mannréttindabrotum af öllu tagi á heimsvísu og sé boðberi jafnréttis og friðar.Þumalputtaregla BF Björt framtíð heitir þessu nafni af ástæðu. Við teljum að langtímahugsun sé nánast engin í stjórnmálum á Íslandi. Við viljum breyta því. Allt sem við gerum í dag getur bætt heiminn á morgun. Ef allir hefðu hugsað svona alltaf, væri heimurinn frábær. Þetta er mælikvarði Bjartrar framtíðar, sem við leggjum á öll mál: Bætir aðgerðin, stefnan, þingmálið, kjarasamningar heiminn á morgun eða er vandanum velt á komandi kynslóðir? Af þessum sökum lögðumst við til dæmis gegn svonefndri skuldaleiðréttingu. Hún bitnar á framtíðinni. Við erum umhverfisverndarflokkur. Gæðum náttúrunnar, hreinni og lífvænlegri veröld, verðum við að skila til næstu kynslóða. Það er hugsunin með sjálfbærni. Hana aðhyllumst við. Við leggjumst gegn hvers konar sóun og illri meðferð lífsins gæða, á hvaða sviði sem er.Enga frekju Við aðhyllumst traust til fólks. Þess vegna erum við lýðræðisafl. Svona lítum við á Alþingi: Þar kemur saman fólk sem aðhyllist ólíkar hugsjónir. Það er fegurðin við þingið. Hún er ekki alltaf augljós. Við teljum að þar sem ólík sjónarmið koma saman, á þingi eða í sveitarstjórnum, sé líklegast að bestu lausnirnar skapist. Við viljum hlusta jafnmikið og við tölum. Gegn ofbeldi og yfirgangi munum við þó alltaf berjast af hörku, svo það sé á hreinu. Freki kallinn á ekki heima í Bjartri framtíð. Mjög mikið þarf að breytast til þess að þjóðfélagið verði eins og Björt framtíð vill hafa það. En til þess er Björt framtíð: Til þess að breyta. Til þess að hugsa hlutina upp á nýtt. Til þess að gera eitthvað af viti.Hefurðu sögu að segja eða skoðun að deila? Ef svo er sendu okkur grein ásamt mynd á netfangið ritstjorn(hja)visir.is
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun
Skoðun Þjóðaratkvæðagreiðsla vegna umsóknar um aðild að ESB er stjórnsýslugrín! Júlíus Valsson skrifar
Skoðun Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier skrifar
Skoðun Fjárskipti við slit óvígðrar sambúðar: Meginreglur og frávik Sveinn Ævar Sveinsson skrifar
Skoðun Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir skrifar
Skoðun Í minningu sonar – og allra þeirra sem aldrei komu heim Kristín Dýrfjörð,Friðrik Þór Guðmundsson skrifar
Skoðun Truman-ríkið: Tilraunir raunheimsins að komast í gegnum gervihvelfinguna Svala Magnea Ásdísardóttir skrifar
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun