Tíkin Eclipse kann sjálf að nota strætó

Sagan af tíkinni Eclipse gengur nú um netheima, en eins og sjá má í myndbandinu sem fylgir fréttinni hefur hún lært að nota strætisvagnakerfi Seattleborgar til að komast leiða sinna.

Hún lærði að nota strætó eftir að hafa ferðast með eiganda sínum talsvert oft í almenningsgarð í borginni. Hún fór í fyrsta sinn ein í strætó þegar eigandi hennar var að ljúka við að reykja sígarettu við strætóskýlið og strætisvagninn kom. Þá stökk Eclipse inn í vagninn og fór á undan eiganda sínum.

„Hún er borgarhundur sem kann að nota strætó og labbar alltaf á gangbrautinni,“ segir eigandinn stoltur.

Hér að neðan má sjá aðra hunda sem eru vanir borgarlífinu. Flökkuhundar í Moskvu eru búnir að læra á lestarkerfi borgarinnar.

World News Videos | ABC World News