Við deilum mikilli matarástríðu, ég og mágur minn, og smullum strax saman í eldhúsinu þegar hann giftist litlu systur minni. Við höfum tekið að okkur veisluþjónustu í fjölskylduboðum og höfum meira að segja rætt um að fara út í bissness,“ segir Vigdís Másdóttir, leikkona og matgæðingur, en hún og mágur hennar, Viðar Reynisson, gefa lesendum Fólks uppskrift að Empanadas.
„Ég var au-pair í Bandaríkjunum og Viðar skiptinemi í Venesúela. Empanadas er cheddar-ostur og beikon í brauði en í Bandaríkjunum eru notaðar kartöflur til að gera klatta eða bollur en maísbrauð í Venesúela. Þetta er frábær fingramatur. Með þessu er höfð salsasósa og svo skelltum við í ákaflega ferskan drykk sem bæði má drekka beint eða setja smá romm út í, ef maður er í stuði.“
1 kíló kartöflur (soðnar og skrældar)
150 g rifinn cheddar-ostur
150 g rifinn svartur gouda
150 g rifinn parmesan
4 msk. rjómi
3 egg
salt og pipar eftir smekk
brauðraspur (heimatilbúinn, helst úr hvítu brauði)
olía til steikingar
Kartöflum er stappað saman við ostana, rjómann og eitt egg. Blandan má ekki vera of blaut þá haldast bollurnar ekki saman (getið þykkt með hveiti).
Gerið litlar kúlur úr deiginu. Hrærið hin tvö eggin saman við vatn og rúllið bollunum í eggjunum og svo í raspnum og steikið á pönnu. Látið pappír á disk og leyfið bollunum að jafna sig í smá stund.
Empanadas með cheddar- og bacon-fyllingu
Uppskriftin inniheldur foreldað hvítt maísmjöl en hægt er að nálgast slíkt mjöl undir vörumerkinu P.A.N. í versluninni Austurlenskar matvörur í Brautarholti.
Innihald
3 þykkar beikonsneiðar
200 g cheddar-ostur
6 dl foreldað hvítt maísmjöl (P.A.N. eða Masarepa)
1 msk. salt
7 dl. vatn
2 msk. matarolía
Chili-duft á hnífsoddi
Jurtaolía til steikingar, t.d. Canola
Aðferð
Steikið beikonsneiðar þar til þær eru orðnar nokkuð stökkar, saxið niður í litla strimla og setjið til hliðar. Rífið niður cheddar-ost og setjið einnig til hliðar.
Setjið vatn, matarolíu og chili-duft í pott og náið upp suðu. Blandið maísmjöli og salti saman í skál. Hellið vatnsblöndunni út í miðja skálina í nokkrum skömmtum og blandið sífellt meiru af mjölinu saman við blautt deigið. Þegar deigið er tilbúið setjið þá plastfilmu eða lok yfir skálina, án þess að loka henni alveg.
Leggið plast á borðið, deigblöndu þar ofan á og annað lag af plasti yfir. Þrýstið deiginu niður og fletjið út með kökukefli þar til það er orðið 3-5 mm þykkt. Finnið þá hringlaga skál sem er 8-15 cm að þvermáli, og þrýstið niður líkt og þið séuð að skera út piparkökur. Takið efra plastið frá og setjið hæfilegt magn af cheddar og beikoni út frá miðjum bökunum. Því næst er flett upp á neðra plastið til að loka einni böku í einu og úr verða hálfmánar. Þrýstið á jaðrana, í gegnum plastið svo bökur lokist örugglega. Steikið bökur því næst á báðum hliðum upp úr mikilli olíu þar til þær eru orðnar gullinbrúnar.
Salsa
2 dósir niðursoðnir hakkaðir tómatar (látið allan vökva renna af)
6 cm (u.þ.b.) af gúrku (skafið fræin úr til að minnka vökvann)
1 chili
1 kínverskur hvítlaukur
handfylli ferskt kóríander
1 appelsínugul papríka
1 stilkur af selleríi
Safi úr 1 lime
salt og pipar eftir smekk
Hakkið hvert hráefni fyrir sig og reynið að ná sem mestum vökva frá. Blandið saman í skál og látið standa í klukkustund svo hráefnin „gerjist“ saman.
Simple síróp með myntu og lime
Simple síróp
Granatepli
Sódavatn
Hvítt romm (má sleppa)
mulinn klaki
myntulauf til að skreyta
Sjóðið saman 50/50 sykur og vatn. Setjið sírópið í glerflösku og 4 stilka af myntu með blöðunum út í sírópið og börk af einu lime. Látið standa yfir nótt. Fræin úr granateplinu eru lögð í hreint simple síróp í tvo tíma.
1 msk. af granateplafræjum í hvert glas
mulinn klaki
1/3 myntu og lime-síróp (úr flöskunni)
Sjúss af hvítu rommi (ef romminu er sleppt er bara meira sódavatn í staðinn)
Fyllt með sódavatni
Skreytt með einu myntublaði
