Wahlberg vill náðun

Leikarinn Mark Wahlberg vill fá náðun fyrir líkamsárás sem hann framdi árið 1988 þegar hann var 16 ára. Þegar Wahlberg var 16 ára réðst hann á tvo víetnamska menn á sama degi, barði þá með tveggja metra löngu priki og hreytti í þá rasískum fúkyrðum.

Seinni árásin varð til þess að maðurinn blindaðist á öðru auga. „Síðan þá hef ég helgað mig því að verða betri manneskja og borgari svo að ég geti verið góð fyrirmynd fyrir börnin mín og önnur börn,“ ritaði Wahlberg í bréfi sínu til náðunarráðsins. Þá vísaði hann í góðgerðarstarfsemi sína.

Árið 2006 sagðist Wahlberg ekki missa svefn yfir fyrra líferni sínu. „Ég gerði margt sem ég sé eftir og hef alveg örugglega bætt fyrir mistök mín,“ sagði hann.