Kiddi Bigfoot í pítsurnar

Kristján Þór Jónsson, einnig þekktur sem Kiddi Bigfoot, vekur ásamt Ólafi Tryggvasyni og Antoni Traustasyni pitsustaðinn Pizza 67 til lífsins á nýjan leik á höfuðborgarsvæðinu eftir áralanga fjarveru.

Staðurinn verður opnaður í Grafarvogi á næstu vikum. Kiddi var á sínum tíma fastagestur á staðnum og segist hafa saknað hans síðustu ár.

„Ég var bæði fastagestur og vann þarna um stund, eigendur Pizza 67 áttu með mér nokkra skemmtistaði. Þannig að ég var heimalningur.“