Ekki eins stjórnsamur

Julian Casablancas, söngvari The Strokes, segir það hafa valdið vandamálum hvernig hann stjórnaði því hvaða lög komust á plötur sveitarinnar.

Við gerð þeirrar síðustu, Comedown Machine, ákvað hann því að slaka á taumunum og hleypa öðrum meira að með efni sitt.

„Á Comedown Machine var ég kannski ekki eins grimmur og ég hafði verið áður. Ég gerði það viljandi vegna þess að það hafði skapað svo mikla spennu á milli okkar,“ sagði Casablancas við tímaritið Rolling Stone.

„Mér finnst mikilvægt að aðrir fái, hvort sem mér finnist það betra eða ekki, að leggja sitt til málanna.“