Borgarstjóri í meðferð á ný

Rob Ford, borgarstjóri í Toronto í Kanada, fór í gær í leyfi til að hefja meðferð við eiturlyfjafíkn. Þetta gerist í kjölfar þess að upp dúkkaði annað myndband þar sem hann sést reykja krakk.

Óvissa er sögð um stöðu framboðs Fords til endurkjörs. Kallað hefur verið eftir afsögn hans, en í tilkynningu frá Ford á miðvikudag sagðist hann taka sér ótímabundið leyfi, bæði frá embætti og framboði.

Ford tiltók ekki hvernig hjálpar hann ætlaði að leita sér, en móðir hans og lögmaður sögðu hann á leið í meðferð.