Sveinbjörn tuttugu stiga kóngur vetrarins

Íslenskir körfuboltamenn hafa látið til sín taka í Dominos-deild karla á þessu tímabili og það sést vel hversu öflugir þeir hafa verið í að koma stigum upp á töflu. Deildarkeppninni lauk á sunnudagskvöldið og gósentíð íslenska körfuboltans að renna upp, sjálf úrslitakeppnin sem hefst annað kvöld.

Fyrr í vetur fjallaði Fréttablaðið um áhrifin á deildina af því að aðeins einn erlendur leikmaður má vera inni á vellinum hjá hverju liði. Íslensku strákarnir höfðu gripið tækifærið og verið áberandi í stigaskori sinna liða, hlutverkinu sem erlendum leikmönnum liðanna er oftast úthlutað.

Þennan veturinn voru skotin í boði fyrir íslensku leikmennina og margir þeirra bæði tóku þau og settu þau líka niður. Nú þegar deildarkeppninni er lokið er ekki úr vegi að gera upp tuttugu stiga klúbb vetrarins en alls voru það 40 íslenskir leikmenn sem náðu því að skora 20 stig eða meira í einum leik.

ÍR-ingurinn Sveinbjörn Claessen var sá leikmaður sem náði flestum tuttugu stiga leikjum í deildinni í vetur en hann skoraði 20 stig eða meira í 14 leikjum auk þess að vera með 19 stig í tveimur leikjum til viðbótar. Sveinbjörn fór í tuttugu stigin í 9 af 11 leikjum eftir að Nigel Moore kom og skoraði 19 stig í þeim tíunda.

Njarðvíkingurinn Elvar Már Friðriksson varð í öðru sæti á þessum lista og liðsfélagi hans, Logi Gunnarsson, var einn af fjórum íslenskum leikmönnum deildarinnar sem náðu tíu tuttugu stiga leikjum í umferðunum 22.

Íslenskir 20 stiga menn í Dominos-deild karla í körfu 2013-2014

Sveinbjörn Claessen 14 leikir

Elvar Már Friðriksson 13

Mirko Stefán Virijevic 11

Logi Gunnarsson 10

Justin Shouse 9

Martin Hermannsson 9

Páll Axel Vilbergsson 9

Sigurður Þorvaldsson 9

Sigurður G. Þorsteinsson 9

Darrel Keith Lewis 8

Ragnar Nathanaelsson 7

Jóhann Árni Ólafsson 6

Dagur Kár Jónsson 5

Guðmundur Jónsson 5

Haukur Óskarsson 5

Hjalti Friðriksson 5

Jón Ólafur Jónsson 5

Marvin Valdimarsson 5

Matthías Sigurðarson 5

Birgir Björn Pétursson 4

Helgi Már Magnússon 4

Pavel Ermolinskij 3

Tómas Heiðar Tómasson 3

Þorleifur Ólafsson 3

Darri Hilmarsson 2

Davíð Páll Hermannsson 2

Grétar Ingi Erlendsson 2

Rúnar Ingi Erlingsson 2

Ágúst Angantýsson 1

Ármann Örn Vilbergsson 1

Benedikt Blöndal 1

Björgvin Ríkharðsson 1

Emil Barja 1

Gunnar Ólafsson 1

Jón Sverrisson 1

Kári Jónsson 1

Kristján Pétur Andrésson 1

Oddur Ólafsson 1

Ragnar Gylfason 1

Ragnar Örn Bragason 1