Ekki leitað til erlendra lögregluembætta

Lögreglan á höfuðborgarsvæðinu vinnur enn að rannsókn á netárás á vefsíðu Vodafone í desamber í fyrra þar sem tölvuþrjótum tókst að komast yfir persónulegar upplýsingar frá viðskiptavinum fyrirtækisins.

Friðrik Smári Björgvinsson yfirlögregluþjónn segir rannsóknina ekki komna á það stig að tilefni hafi verið til að óska eftir samstarfi við erlent lögregluembætti. Líklegt er að tölvuþrjóturinn sé frá Tyrklandi, en það hefur ekki verið staðfest að sögn Friðriks Smára.

Hann segir ómögulegt að segja til um hvenær rannsókninni gæti lokið.