Skype þýðir tungumál samstundis

Brátt verður hægt að skilja hvaða tungumál sem er í gegnum Skype.

Þetta fullyrti Satya Nadella, forstjóri Microsoft, tæknirisans sem á samskiptaforritið vinsæla Skype.

Nýja þýðingarforritið er unnið í samvinnu rannsóknarmanna Microsoft og forritara Skype. Forritið þýðir töluð orð samstundis, og þýðingin birtist sem texti hjá hinum þátttakanda spjallsins.

Forritið var prufukeyrt á blaðamannafundi þar sem varaforseti Skype, Gurdeep Pall, ræddi á ensku við annan starfsmann fyrirtækisins sem svaraði honum á þýsku.