Leonardo DiCaprio nágranni Jóns Óttars og Margrétar

Hjartaknúsarinn Leonardo DiCaprio, sem tilnefndur er til Óskarsins fyrir frammistöðu sína í The Wolf of Wall Street, hefur fest kaup á splunkunýrri íbúð í Palm Springs. Er hún metin á 5,3 milljónir dollara, tæplega sex hundruð milljónir króna.

Nýja heimilið er í hverfinu Old Las Palmas og var eitt sinn í eigu leik- og söngkonunnar Dinuh Shore. Það er búið sex svefnherbergjum og sjö baðherbergjum.

Þá fylgir íbúðinni sundlaug, tennisvöllur og líkamsræktarstöð. 

Íslensku hjónin og kvikmyndaframleiðendurnir Jón Óttar Ragnarsson og Margrét Hrafnsdóttir búa í þessu fallega hverfi og herma heimildir Vísis að þau séu afar spennt fyrir nýja nágrannanum.

Leonardo seldi íbúð sína í Malibu í desember í fyrra en hún var á sölu í tvö ár. Fékk hann 17,35 milljónir dollara fyrir, tæpa tvo milljarði króna.