Lágum við útvarpið og biðum eftir jólakveðjunni frá pabba Gunnþóra Gunnarsdóttir skrifar 21. desember 2014 09:30 "Mamma bjó til kúlu til að hengja á tréð. Það er lítil ljósapera, hún hefur lakkað hana með naglalakki og sett á hana glimmer,“ segir Rósa sem lumar líka á skrauti frá æsku foreldra sinna. vísir/Valli Heimilið var allt snurfusað og fínt hjá ömmu Rósu í Suðurgötunni og alveg sérstaklega á hátíðum, enda hafði hún stúlku til að hjálpa sér. Sú bjó í húsinu, líka um jólin. Við vorum alltaf hjá ömmu og afa á aðfangadagskvöld þegar ég var lítil. Þar var stórt lifandi jólatré í stofunni og við gengum syngjandi kringum það.“ Þannig byrjar Rósa Haraldsdóttir að rifja upp bernskujól í Reykjavík á fimmta áratug síðustu aldar. Sjálf átti hún heima í Aðalstræti 8, tignarlegu húsi með stórum svölum. Það gekk undir nafninu Fjalakötturinn enda var leikhús í hluta þess um tíma og þar var fyrsta bíó á Íslandi. En hvort tveggja fyrir daga Rósu. Foreldrar Rósu voru Solveig Hjörvar húsfreyja og Haraldur Samúelsson loftskeytamaður á togurum og hún var í miðið af þremur systkinum sem á legg komust.Höldum áfram með jólaminningarnar. Hvað var á borðum hjá ömmu Rósu og afa Helga á aðfangadagskvöld? „Veistu, ég man ekkert hvað við borðuðum. Ég var aldrei neitt matargat. En ég reikna með að það hafi verið lambalæri og sennilega ís á eftir. Man bara eftir jólaskemmtuninni í stofunni. Þegar við höfðum öll gengið kringum jólatréð lékum við krakkarnir okkur með það sem við fengum eða lásum í nýju bókunum. Við fengum alltaf bækur, systkinin. Ein jólin fékk ég Önnu í Grænuhlíð.“Rósa á svölunum á Suðurgötunni að leika sér með bollastell.Eru þér aðrar jólagjafir minnisstæðar frá þessum árum? „Ég hef líklega verið fimm ára þegar ég fékk silfurarmband með litlum fílum í halarófu. Hvort það var um sömu jól eða jólin áður sem ég fékk fjögurra manna dúkkukaffistell frá ömmu minni, það man ég ekki. En ég hélt mikið upp á það og passaði það eins og sjáöldur augna minna. Þegar ég var komin fram yfir fermingu hafði mamma lánað frænkum mínum stellið og þær brutu tvo bolla. Þá mölvaði ég það sem eftir var, setti allt í skókassa og gróf hann. Það var bara jarðarför. Á þeim tíma var ég flutt austur í sveit, að Brautarholti á Skeiðum.“Fékkst þú fína kjóla fyrir jólin þegar þú varst barn? „Já. Mamma saumaði rosalega fína jólakjóla á okkur systurnar. Meðal annars siffonkjóla, rauðbleika með hvítum doppum. Svo fór pabbi oft í siglingar og keypti margt handa okkur úti í Bretlandi og Þýskalandi, bæði föt og annað.“Var hann alltaf heima á jólunum? „Nei, nei. Pabbi var oft á sjó um jólin og sendi okkur þá alltaf kveðju í útvarpinu. Við lágum við tækin og biðum eftir kveðjunni frá honum. Svo var víst nokkuð algengt að skipunum væri komið út fyrir ytri hafnargarðinn fyrir klukkan fimm á aðfangadag því þá mátti senda þau af stað í túr annan hvorn jóladaginn en það var bannað ef skipin voru við bryggju. Þetta hefur mér verið sagt en ég man það ekki sjálf. Pabbi var bara í fjarskiptunum en ekki í erfiðisvinnunni um borð. En það var svo sem álag líka, sérstaklega í stríðinu. Þá máttu loftskeytamennirnir aldrei sofa djúpum svefni, því þeir urðu að hlusta eftir öllum hljóðum og voru með talstöðina í sínum pínulitlu klefum.“Sonur Rósu fékk að velja gjöf handa móður sinni þegar hann var tveggja ára og valdi þennan bíl. Síðan þá hefur Rósa haft bílinn sem jólatréskraut.Skreyttuð þið eitthvað heima hjá ykkur fyrir jólin? „Já, og ég á enn sýnishorn af því sem við skreyttum með. Mamma bjó til kúlu til að hengja á tréð. Það er lítil ljósapera, hún hefur lakkað hana með naglalakki og sett á hana glimmer. Sú kúla er líklega búin til 1942 eða 43. Ég skreyti alltaf með henni. Líka með kúlu sem pabbi minn fékk þegar hann var tveggja ára og hann var fæddur 1910. Svo á ég skraut sem mamma átti þegar hún var barn.“Fórstu á jólaball? „Hvort ég gerði. Afi, Helgi Hjörvar, vann hjá útvarpinu og fór alltaf með okkur krakkana á jólaball þangað síðdegis á jóladag. Það var mikil skemmtun. Útvarpið var á efri hæð í Landsímahúsinu við Austurvöll (Nasa). Þar var lyfta milli hæða sem sérstakur lyftuvörður stjórnaði. Svo voru leðursæti í lyftunni. Á jólaballinu var barnakór sem söng, það var gengið í kringum jólatré, lesin saga og það kom jólasveinn. Þetta var sent út um allt land þannig að börn á landsbyggðinni gátu fylgst með, þar sem útvarpið náðist. Áður en við héldum heim fengum við öll epli og þau epli ilmuðu eins og jólaeplin gerðu á þeim tíma þannig að lyktin barst um allt hús. Ég hef ekki fundið eplalykt í mörg ár.“ Mest lesið Þórdís Lóa um Júró-umfjöllun: „Hvers vegna þessi þögn?“ Lífið Fjölmennt í framboðsteiti Arnars Þórs í Iðnó Lífið Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun „Spurði hversu mörgum stelpum hann væri búin að senda þessa línu“ Makamál Ætlar hvorki að hætta að vinna né opna kaffihús Lífið „Það er einmanalegt að missa móður“ Lífið Krakkatían: Celebs, sumar og forseti Íslands Lífið Vandamálaráðuneytið únefndi hinn fimmtán ára Viðar til sigurs Lífið Hvetur fólk til að nota sólarvörn eftir krabbameinsgreiningu Lífið Fleiri fréttir Brynja og Þórhallur kveðja Nýlendugötuna „Það var alltaf draumur hjá honum að heimsækja Ísland aftur“ 23 hvolpar á heimili í Þorlákshöfn Fjölmennt í framboðsteiti Arnars Þórs í Iðnó Þórdís Lóa um Júró-umfjöllun: „Hvers vegna þessi þögn?“ Vandamálaráðuneytið únefndi hinn fimmtán ára Viðar til sigurs Hugsar oft til fyrstu ástarinnar vegna ástandsins í Íran Krakkatían: Celebs, sumar og forseti Íslands Sveitarstjóri og sauðfjárbóndi fóru á kostum Hvetur fólk til að nota sólarvörn eftir krabbameinsgreiningu Metmæting á tískusýningu útskriftarnema LHÍ Mynd ársins af palestínskum flóttamanni Ætlar hvorki að hætta að vinna né opna kaffihús Milljónir hafa horft á stikluna fyrir Snertingu Karl konungur snýr aftur úr veikindaleyfi Fréttatía vikunnar: Þyrlur, forsetaframbjóðendur og skemmdarverk „Það er einmanalegt að missa móður“ Trúlofuðust á gjörgæslunni eftir bílslys á Íslandi Ellý snýr aftur vegna fjölda áskorana Ætlað að auka umræðu og sýnileika leiðsöguhunda Nýtt upphaf Margrétar: „Búin að heita þessu nafni í rúma viku“ Borgarstjóri og frú tóku veislustjórnina að sér Fágæt og falleg eign við Flókagötu Aron passaði varla inn í bílinn Nefnd í höfuðið á tveimur mikilvægum konum í lífi þeirra Grínari selur íbúð í Vesturbænum Sophia Bush kemur út úr skápnum „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Sjá meira
Heimilið var allt snurfusað og fínt hjá ömmu Rósu í Suðurgötunni og alveg sérstaklega á hátíðum, enda hafði hún stúlku til að hjálpa sér. Sú bjó í húsinu, líka um jólin. Við vorum alltaf hjá ömmu og afa á aðfangadagskvöld þegar ég var lítil. Þar var stórt lifandi jólatré í stofunni og við gengum syngjandi kringum það.“ Þannig byrjar Rósa Haraldsdóttir að rifja upp bernskujól í Reykjavík á fimmta áratug síðustu aldar. Sjálf átti hún heima í Aðalstræti 8, tignarlegu húsi með stórum svölum. Það gekk undir nafninu Fjalakötturinn enda var leikhús í hluta þess um tíma og þar var fyrsta bíó á Íslandi. En hvort tveggja fyrir daga Rósu. Foreldrar Rósu voru Solveig Hjörvar húsfreyja og Haraldur Samúelsson loftskeytamaður á togurum og hún var í miðið af þremur systkinum sem á legg komust.Höldum áfram með jólaminningarnar. Hvað var á borðum hjá ömmu Rósu og afa Helga á aðfangadagskvöld? „Veistu, ég man ekkert hvað við borðuðum. Ég var aldrei neitt matargat. En ég reikna með að það hafi verið lambalæri og sennilega ís á eftir. Man bara eftir jólaskemmtuninni í stofunni. Þegar við höfðum öll gengið kringum jólatréð lékum við krakkarnir okkur með það sem við fengum eða lásum í nýju bókunum. Við fengum alltaf bækur, systkinin. Ein jólin fékk ég Önnu í Grænuhlíð.“Rósa á svölunum á Suðurgötunni að leika sér með bollastell.Eru þér aðrar jólagjafir minnisstæðar frá þessum árum? „Ég hef líklega verið fimm ára þegar ég fékk silfurarmband með litlum fílum í halarófu. Hvort það var um sömu jól eða jólin áður sem ég fékk fjögurra manna dúkkukaffistell frá ömmu minni, það man ég ekki. En ég hélt mikið upp á það og passaði það eins og sjáöldur augna minna. Þegar ég var komin fram yfir fermingu hafði mamma lánað frænkum mínum stellið og þær brutu tvo bolla. Þá mölvaði ég það sem eftir var, setti allt í skókassa og gróf hann. Það var bara jarðarför. Á þeim tíma var ég flutt austur í sveit, að Brautarholti á Skeiðum.“Fékkst þú fína kjóla fyrir jólin þegar þú varst barn? „Já. Mamma saumaði rosalega fína jólakjóla á okkur systurnar. Meðal annars siffonkjóla, rauðbleika með hvítum doppum. Svo fór pabbi oft í siglingar og keypti margt handa okkur úti í Bretlandi og Þýskalandi, bæði föt og annað.“Var hann alltaf heima á jólunum? „Nei, nei. Pabbi var oft á sjó um jólin og sendi okkur þá alltaf kveðju í útvarpinu. Við lágum við tækin og biðum eftir kveðjunni frá honum. Svo var víst nokkuð algengt að skipunum væri komið út fyrir ytri hafnargarðinn fyrir klukkan fimm á aðfangadag því þá mátti senda þau af stað í túr annan hvorn jóladaginn en það var bannað ef skipin voru við bryggju. Þetta hefur mér verið sagt en ég man það ekki sjálf. Pabbi var bara í fjarskiptunum en ekki í erfiðisvinnunni um borð. En það var svo sem álag líka, sérstaklega í stríðinu. Þá máttu loftskeytamennirnir aldrei sofa djúpum svefni, því þeir urðu að hlusta eftir öllum hljóðum og voru með talstöðina í sínum pínulitlu klefum.“Sonur Rósu fékk að velja gjöf handa móður sinni þegar hann var tveggja ára og valdi þennan bíl. Síðan þá hefur Rósa haft bílinn sem jólatréskraut.Skreyttuð þið eitthvað heima hjá ykkur fyrir jólin? „Já, og ég á enn sýnishorn af því sem við skreyttum með. Mamma bjó til kúlu til að hengja á tréð. Það er lítil ljósapera, hún hefur lakkað hana með naglalakki og sett á hana glimmer. Sú kúla er líklega búin til 1942 eða 43. Ég skreyti alltaf með henni. Líka með kúlu sem pabbi minn fékk þegar hann var tveggja ára og hann var fæddur 1910. Svo á ég skraut sem mamma átti þegar hún var barn.“Fórstu á jólaball? „Hvort ég gerði. Afi, Helgi Hjörvar, vann hjá útvarpinu og fór alltaf með okkur krakkana á jólaball þangað síðdegis á jóladag. Það var mikil skemmtun. Útvarpið var á efri hæð í Landsímahúsinu við Austurvöll (Nasa). Þar var lyfta milli hæða sem sérstakur lyftuvörður stjórnaði. Svo voru leðursæti í lyftunni. Á jólaballinu var barnakór sem söng, það var gengið í kringum jólatré, lesin saga og það kom jólasveinn. Þetta var sent út um allt land þannig að börn á landsbyggðinni gátu fylgst með, þar sem útvarpið náðist. Áður en við héldum heim fengum við öll epli og þau epli ilmuðu eins og jólaeplin gerðu á þeim tíma þannig að lyktin barst um allt hús. Ég hef ekki fundið eplalykt í mörg ár.“
Mest lesið Þórdís Lóa um Júró-umfjöllun: „Hvers vegna þessi þögn?“ Lífið Fjölmennt í framboðsteiti Arnars Þórs í Iðnó Lífið Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun „Spurði hversu mörgum stelpum hann væri búin að senda þessa línu“ Makamál Ætlar hvorki að hætta að vinna né opna kaffihús Lífið „Það er einmanalegt að missa móður“ Lífið Krakkatían: Celebs, sumar og forseti Íslands Lífið Vandamálaráðuneytið únefndi hinn fimmtán ára Viðar til sigurs Lífið Hvetur fólk til að nota sólarvörn eftir krabbameinsgreiningu Lífið Fleiri fréttir Brynja og Þórhallur kveðja Nýlendugötuna „Það var alltaf draumur hjá honum að heimsækja Ísland aftur“ 23 hvolpar á heimili í Þorlákshöfn Fjölmennt í framboðsteiti Arnars Þórs í Iðnó Þórdís Lóa um Júró-umfjöllun: „Hvers vegna þessi þögn?“ Vandamálaráðuneytið únefndi hinn fimmtán ára Viðar til sigurs Hugsar oft til fyrstu ástarinnar vegna ástandsins í Íran Krakkatían: Celebs, sumar og forseti Íslands Sveitarstjóri og sauðfjárbóndi fóru á kostum Hvetur fólk til að nota sólarvörn eftir krabbameinsgreiningu Metmæting á tískusýningu útskriftarnema LHÍ Mynd ársins af palestínskum flóttamanni Ætlar hvorki að hætta að vinna né opna kaffihús Milljónir hafa horft á stikluna fyrir Snertingu Karl konungur snýr aftur úr veikindaleyfi Fréttatía vikunnar: Þyrlur, forsetaframbjóðendur og skemmdarverk „Það er einmanalegt að missa móður“ Trúlofuðust á gjörgæslunni eftir bílslys á Íslandi Ellý snýr aftur vegna fjölda áskorana Ætlað að auka umræðu og sýnileika leiðsöguhunda Nýtt upphaf Margrétar: „Búin að heita þessu nafni í rúma viku“ Borgarstjóri og frú tóku veislustjórnina að sér Fágæt og falleg eign við Flókagötu Aron passaði varla inn í bílinn Nefnd í höfuðið á tveimur mikilvægum konum í lífi þeirra Grínari selur íbúð í Vesturbænum Sophia Bush kemur út úr skápnum „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Sjá meira