Í hláturjóga með Þorsteini Bachmann

Næsti viðmælandi okkar í Sjálfstæðu fólki, sunnudaginn 19. október, er leikari af Guðs náð. Hann sló í gegn í kvikmyndinni Vonarstræti sem nú fer sigurför um heiminn og er tilnefnd til Óskarsverðlaunanna. 

Við erum auðvitað að tala um Þorstein Bachmann, sem er rísandi stjarna þó hann eigi að baki ein 50 hlutverk í leikhúsi, sjónvarpi og kvikmyndum.

Við vorum með honum í nokkra daga heima og heiman og víst er um það að hann er þrælskemmtilegur náungi og gefur mikið af sér.

Við vöknuðum með fjölskyldunni vestur á Holtsgötu en hann er giftur Rannveigu Jónsdóttur, Göggu, barnabarni Halldórs Kiljan Laxness. 

Við fylgdum Þorsteini einnig í vinnurnar en hann er með fjölmörg járn í eldinum. Meðal annars fylgdumst við með honum leika í nýjum þætti af Stelpunum þar sem hann fer með hlutverk hlutverk Charles Ingalls í Grenjað á gresjunni og fórum í hláturjóga með honum þar sem menn míga á sig af hlátri. 

Einn með öllu, þáttur sem enginn má missa af.