Unglingurinn í leikferð

Gaflaraleikhúsið og Menntalest Suðurlands hafa gert með sér samning um sýningar á leikritinu Unglingurinn eftir Arnór Björnsson og Óla Gunnar Gunnarsson á Suðurlandi. Leikstjóri er Björk Jakobsdóttir. Verkið hefur fengið frábærar viðtökur og gengið fyrir fullu húsi frá því í október. Gagnrýnandi menningarþáttarins Djöflaeyjunnar á Rúv valdi sýninguna eina af áhugaverðustu sýnigum seinasta árs.



Leikritið er ætlað unglingum en mælt er með því að foreldrar, kennarar og aðrir sem ungangast unglinga sjái einnig verkið því fátt er betra en að hlæja saman í leikhúsinu og fá á sama tíma foreldrafræðslu í unglingísku. Verkið er fyrir alla á aldrinum 8-108 ára.

Fyrsta sýning á Suðurlandi verður 16. febrúar í Laugalandsskóla.