Gunnar: Conor gengur frá honum snemma

Íslandsvinurinn og vélbyssukjafturinn Conor McGregor verður á Stöð 2 Sport í nótt í bardaga í Las Vegas.

Þá mætir McGregor Bandaríkjamanninum Dustin Poirier. Margir af andstæðingum McGregor vona að Poirier þaggi niður í Íranum málglaða.

McGregor er vinur og æfingafélagi Gunnars Nelson en báðir eru þeir með sama þjálfara, John Kavanagh. McGregor hefur æft með Gunnar hér heima í Mjölni og eyddu þeir til að mynda mánuði í æfingabúðum á Íslandi fyrir bardaga þeirra á Írlandi í júlí.

Íþróttadeild fékk Gunnar til þess að spá í spilin fyrir bardaga kvöldsins og má sjá viðtalið við Gunnar hér að ofan.

Bardagakvöldið á Stöð 2 Sport hefst klukkan 2 í nótt.