Engar athugasemdir: Svona er að vera kona á Nýja-Sjálandi

Myndband af konu sem labbar um New York í tíu klukkutíma hefur vakið mikla athygli. Samtök sem berjast gegn áreitni og ógnunum á götum úti stóðu fyrir gerð myndbandsins og segja að konan hafi verið áreitt yfir hundrað sinnum á tíu tíma göngu sinni um borgina. 

Nú hefur New Zealand Herald gert myndband í svipuðum dúr þar sem þeir fengu fyrirsætuna Nicolu Simpson til að ganga um götur Auckland á Nýja Sjálandi og sjá hvort hún yrði áreitt.

Hennar upplifun var talsvert öðruvísi en eins og sést í myndbandinu snúa margir karlmenn sér við þegar hún gengur hjá en enginn kallar athugasemdir að henni.