Evrópumenn eru í herferð gegn Suárez

Alejandro Balbi, lögmaður Úrúgvæjans Luis Suárez telur Evrópumenn vera í herferð gegn markahróknum.

Suárez gæti átt yfir höfði sér langt bann vegna atviksins sem kom upp í leik Úrúgvæ og Ítalíu á HM í Brasilíu í gær þegar hann beit Giorgio Chiellini, varnarmann Ítalíu, í öxlina.

Þetta er í þriðja skiptið á atvinnumannaferlinum sem Suárez bítur andstæðing sinn en áður hefur hann bitið BranislavIvanovic, leikmann Chelsea, og OttmalBakkan, leikmann PSV, þegar Suárez lék með Ajax í Hollandi.

Martin Hong, meðlimur í aga- og úrskurðarnefnd FIFA, segir í viðtali á BBC að ákvörðun í máli Suárez verði tekin í kvöld eða á morgun.

Aðspurður um málefni skjólstæðingsins síns segir Balbi á vef BBC: „Það er enginn vafi á því að þetta er að gerast því það er Suárez um ræðir í fyrsta lagi og í öðru lagi því það voru Ítalir sem féllu úr leik,“ og bætir við: „Það er mikil pressa á málið frá Englandi og Ítalíu. Við erum að undirbúa vörnina okkar.“