Chiellini sýndi bitfarið | Suárez meiddi sig í tönnunum

Giorgio Chiellini er með bitfar á öxlinni eftir að LuisSuárez, framherji Úrúgvæ, beit hann í leik liðanna í D-riðli HM 2014 í dag en Úrúgvæ vann leikinn, 1-0, og er komið í 16 liða úrslitin. Ítalir eru á leiðinni heim.

Suárez beit Chiellini á 79. mínútu en komst upp með því enginn af dómurunum sá atvikið. Hann fagnaði svo með félögum sínum í leikslok en spurning er hvort hann verði dæmdur í bann af myndbandsupptökum.

Chiellini reyndi eins og óður maður að sýna leikmönnum Úrúgvæ og þá helst dómurum leiksins bitfarið eftir Suárez en án árangurs. Suárez sjálfur meiddi sig í tönnunum við að bíta ítalska varnarmanninn eins og sjá má á myndunum hér að neðan.