Með B.A.- gráðu í að standa á höndum og ærslast

Lífið spurði Sigríði Soffíu, dansara og danshöfund tíu spurninga.

1. Þegar ég var ung…elskaði ég að hafa hátt og standa á höndum og ærslast.

2.En núna er ég með BA-gráðu í að „hafa hátt, standa á höndum og ærslast“.

3.Ég mun eflaust aldrei skilja hvernig líf getur kviknað.

4. Ég hef ekki sérstakan áhuga á fótbolta, aðgerðarleysi og vondum mat.

5. Karlmenn eru jafn misjafnir og þeir eru margir.

6. Ég hef lært að maður á ekki að borða marengstertu og skokka 13 km, þá fær maður illt í magann.

7. Ég fæ samviskubit þegar ég hugsa til þess hvað foreldrar mínir hafa verið mér góðir allt mitt líf og ég ekki nógu þakklát. Verandi ólétt sér maður foreldra sína allt í einu í öðru ljósi og hvað allar gjörðir þeirra gegnum tíðina hafa verið einlæg tilraun til að gera það besta fyrir mann.

8. Ég slekk á sjónvarpinu eftir áhorf… Er búin að vera sjónvarpslaus í tvö ár. Erum nýlega komin með sjónvarp en það er ekki tengt enn þá svo það er bara kveikt á því fyrir bíómyndir. Fréttirnar eru spilaðar í útvarpinu.

9. Um þessar mundir er ég mjög upptekin af því að…koma litlu barni í heiminn.

10. Ég vildi óska þess að fleiri vissu af því að ég er að fara að gera frábæra danssýningu í Þjóðleikhúsinu í vor og að það er hægt að kaupa miða á sýninguna sem heitir „Svartar fjaðrir“ og gefa í jólagjöf. Í sýningunni dansa sex leikarar og fimm dansarar og Hildur Yeoman, tískudrottning með meiru, er að gera búninga. Hægt er að sjá meira um sýninguna á siggasoffia.4ormat.com/svartar-fjadrir og kaupa miða á vef Þjóðleikhússins.