"Erfiðast er að pabbi hefur lítinn sem engan tíma til að gera neitt annað“

Við spurðum Odd, 15 ára, og Gylfa, 10 ára, sem eru synir Sigurðar Björns Blöndal, oddvita Bjartrar framtíðar í Reykjavík, um pabba þeirra nú þegar kosningabaráttan stendur sem hæst. 

Hvernig var lífið fyrir og eftir pólitíkina með föður ykkar?



Oddur: „Við gerðum bara svipaða hluti, nema við fórum aldrei á skíði saman. Pabbi byrjaði bara á skíðum fyrir rúmu ári. Erfiðast er að pabbi hefur lítinn sem engan tíma til að gera neitt annað. Við vorum samt mjög dugleg að fara saman á skíði í vetur.  Skemmtilegast er allt fólkið sem er að vinna með pabba í þessu.“  



Gylfi: „Ég man ekkert eftir því. Ég man ekki einu sinni hvað hann var að vinna við fyrir fjórum árum. Pabbi var meira með mér úti í fótbolta. Pabbi hefur alltaf verið dálítið bissí, en finnur samt alltaf tíma til að vera með okkur.„





Hvað gerið þið með pabba sem er skemmtilegt?



Oddur: „Förum á skíði, förum á tónleika, fjallgöngur, út að borða og margt fleira. Tökum stundum „djammsession saman. Svo förum við saman á rjúpu.“

Gylfi: „Förum í bíó, förum í sund. Ég fer stundum með pabba á fótboltaleiki. Svo eru stundum kósíkvöld. Við förum líka stundum í tjaldferðalög.“