North West situr fyrir í Chanel

Dóttir Kim Kardashian og Kanye West, North West,  er sennilega með þekktari ungbörnum í heiminum í dag. Þrátt fyrir að vera aðeins 13 mánaða gömul er hún strax farin að sitja fyrir á síðum tískublaðanna.

Á miðvikudag birtist mynd af henni, sem tekin var fyrir CR Fashionbook tímarit Carine Roitfeld fyrrum ritstjóra franska Vogue. Þar sést hún í prjónaðri Chanel peysu með litla Chanel leðurtösku við fætur sér.

Myndin er í svarthvítu og á hún að túlka framtíðina í tískuheiminum. Í horni myndarinnar er svo að finna tilvitnun frá Karli Lagerfeld sjálfum „It‘s never too early to care about fashion“ eða „Það er aldrei of snemmt að vera umhugað um tískuheiminn“ í íslenskri þýðingu.