„Vegagerðin í heild er innan fjárheimilda, fyrstu sex mánuði ársins hafa útgjöld numið 44 prósentum af fjárheimildum alls ársins. Þrátt fyrir það er viðvarandi halli á vetrarþjónustunni vegna erfiðs árferðis undanfarna vetur.“
Þetta kemur fram í tilkynningu á vef Vegagerðarinnar.
Þar segir að komið hafi í ljós að við sex mánaða uppgjör Fjársýslunnar hafi útgjaldadreifing fjárheimilda ekki verið rétt notuð. Miðað við að 35 prósent af tekjum ársins kæmu til greiðslu á fyrri hluta ársins.
„Útgjöldin eftir fyrstu 6 mánuðina voru hins vegar um 44% af fjárheimildunum. Í stað þess að Vegagerðin í heild hafi farið fram úr fjárheimildum sínum var staðan því jákvæð um rúman milljarð á miðju ári enda aðal framkvæmdatíminn rétt að byrja.“
Þó segir að hins vegar hafi verið viðvarandi halli á vetrarþjónustulið stofnunarinnar vegna erfiðs árferðis undanfarna vetur. Erfitt hafi verið að vinda ofan af því.
„Farið verður yfir þessi atriði á fundi innanríkisráðuneytisins með fjárlaganefnd 25. ágúst og frekari skýringar gefnar eftir því sem óskað verður eftir.“
Segja Vegagerðina innan fjárheimilda
