Nico Rosberg var fljótastur á æfingu Formúluliðanna í dag á tímanum 1:33.283 sem er besti tími æfinganna í Bahrain.
Liðsfélagi hans hjá Mercedes, Lewis Hamilton, var fljótastur í gær. Rosberg ók einnig flesta hringi í dageða 89 talsins.
Jenson Button á McLaren átti annan besta tímann í dag. Besti tími hans var 1:34.957 sem er talsvert á eftir Rosberg. Margt virðist því benda til þess að Mercedes liðið sé með mjög góðan bíl. En Rosberg segir að munur á bensínmagni um borð útskýri sennilega þetta mikla bil á tímunum.
Red Bull er enn að glíma við ýmis vandamál. Daniel Ricciardo ók 15 hringi í dag á Red Bull+bílnum og náði einungis í sjöunda besta tímanum.
Heimsmeistararnir þurfa að fara að finna lausn á sínum vanda. Einungis ein æfingavika er eftir en hún verður í næstu viku, í Bahrain líkt og nú.
Kimi Raikkonen á Ferrari klessti bíl sinn undir lok dags. Hann var búinn að setja þriðja hraðasta hring og ók samtals 81 hring. Ferrari vill ekki segja hvað klikkaði en framendi bílsins er illa leikinn. Hugsanlega gerði Raikkonen ökumannsmistök.
Hinn 21 árs þróunar- og varaökumaður hjá Williams, Felipe Nasr, fór 87 hringi í dag og náði fjórða besta tímanum. Hann uppfyllir þar með skilyrðin til að ná sér í ofurleyfi, til að aka keppa í formúlu 1. Til þess þarf meðal annars að aka 300 km í slíkum bíl.
