Icelandair flutti um 309 þúsund farþega í millilandaflugi í síðasta mánuði og voru þeir 15 prósent fleiri miðað við sama mánuð í fyrra. Þetta kemur fram í tilkynningu félagsins til Kauphallarinnar. Þá nam sætanýting 82,5 prósentum og jókst um 0,4 prósentustig á milli ára.
Alls þurfi félagið að fella niður 65 flug og breyta 10 þúsund bókunum vegna verkfallsaðgerða flugvirkja í mánuðinum. Farþegar í innanlands- og Grænlandsflugi voru 27 þúsund í júní og fækkaði um 3% á milli ára.
Framboð á gistinóttum hjá hótelum félagsins jókst um eitt prósent miðað við júní á síðasta ári. Herbergjanýting var 77,8 prósent og var 4,3 prósentustigum hærri en í júní 2013.
Breyta þurfti tíu þúsund bókunum vegna verkfalls
