J-Lo komin með nýjan

Söng- og leikkonan Jennifer Lopez er byrjuð með dansaranum Maksim Chmerkovskiy samkvæmt heimildum tímaritsins People.

Aðeins um vika er síðan fréttir bárust af því að Jennifer væri hætt með dansaranum Casper Smart en hann var einn af dönsurum stjörnunnar.

Samkvæmt heimildum People náðu Maksim og Jennifer vel saman þegar hann dansaði í atriði hennar á American Music-verðlaunahátíðinni í nóvember síðastliðnum.

Maksim og Jennifer kynntust í gegnum sameiginlega vinkonu, leikkonuna Leuh Remini, og fóru þau saman í afmæli bróður Maxisims í Los Angeles í mars.

Hvorki talsmaður Jennifers né Maksims hefur tjáð sig um sambandið.