Selur skapahár af Elvis á sex hundruð þúsund

Maður í Ohio er búinn að setja auglýsingu á Craigslist þar sem hann fullyrðir að hann eigi skapahár tónlistarmannsins Elvis Presley. Hárin eru föl fyrir fimm þúsund dollara, rúmlega 630 þúsund krónur.

Hann segir að fyrrverandi eiginkona sín, Billie Jean Flurt, hafi plokkað hárin úr klofi Elvis árið 1965. Það sem kemur líklegast mörgum á óvart er að hárunum fylgir staðfestingarbréf frá gamla umboðsmanni Elvis, Tom Parker, um að hárin séu í raun af tónlistarmanninum.

Ekki er ljóst hvort um grín er að ræða en ef svo er er það skringilegt en fyndið.