Beyoncé og Jay Z skoða hús á tíu milljarða

Stjörnuhjónin Beyoncé og Jay Z hafa skoðað hús í Beverly Hills sex sinnum að undanförnu og samkvæmt Youth Health Mag hafa þau augastað á því.

Húsið er búið átta svefnherbergjum og fimmtán baðherbergjum. Ekki skemmir fyrir að bílskýli fylgir með fyrir sextán bíla. Í húsinu er einnig bíósalur sem rúmar 24 og auðvitað fylgir heimilinu sundlaug.

Ásett verð eru 85 milljónir dollara, rétt rúmir tíu milljarðar króna. 

Beyoncé og Jay Z heimsóttu Ísland í síðustu viku en fóru af landi brott um helgina. Þetta er í annað sinn sem þau heimsækja land og þjóð og eiga svo sannarlega skilið nafnbótina Íslandsvinir.