Snorri Helgason og Saga Garðarsdóttir í sambandi

Snorri Helgason tónlistarmaður og Saga Garðarsdóttir, leikkona og grínisti, eru nýjasta stjörnupar Íslands ef marka má samskiptamiðilinn Facebook. Þar skráðu þau sig í samband í kvöld.

Snorri er landsþekktur fyrir tónsmíð sína, bæði með hljómsveitinni Sprengjuhöllin og undir eigin nafni. Saga haslaði sér völl sem uppistandari en hefur undanfarin ár leikið í ýmsum sýningum Þjóðleikhússins, sem og sjónvarpsþáttum á borð við Steindann okkar.

Nýja parið er vinsælt og vinamargt, enda hafa rúmlega sextíu manns líkað við tilkynninguna um nýja sambandið þegar þetta er skrifað.