Magnús: Ég er búinn að gera upp hug minn

Magnús Gylfason vill ekki segja hvort hann ætli að halda áfram sem þjálfari Vals. Mikil óvissa hefur verið um framtíð Magnúsar hjá Vals og hann segist vera búinn að ákveða sig.

„Ég er löngu búinn að gera upp minn hug og það er löngu orðið ljóst. Ég mun ræða það við stjórn Vals eftir mótið en við erum löngu búin að ákveða þetta í sameiningu.“

„Ég ætla ekki að staðfesta neitt. En ég er löngu búinn að gera upp minn hug.“

Hann segir að það hafi ekki verið erfitt að starfa hjá Val þegar sögusagnir hafi verið á kreiki um að hann sé á útleið. „Alls ekki. Mér líður vel hjá Val og mjög gott að starfa þar.“