Eigingjarn, fáfróður og latur rannsóknarblaðamaður

Félagarnir Hjálmar Örn Jóhannsson og Sigurður Hannes Ásgeirsson standa á bak við grínþættina Háska, sem sýndir verða hér á Vísi á næstu vikum.

Háski fjalla um misheppnaða rannsóknarblaðamanninn Hjálmar sem verður sjaldnast ágengt þar sem hann veður áfram af eigingirni, fáfræði og leti.

Aðstoðarmaður hans Siggi verður hvað oftast fyrir barðinu á Hjálmari og saman lenda þeir félagar í bráðfyndnum uppákomum.

Þættirnir voru sýndir á Bravó í vor en alls eru þeir sex talsins. Hér fyrir neðan er sýnishorn úr þáttaröðinni.