Gunnar Einarsson hefur einnig dregið fram skóna, en þessi mikli harðjaxl hætti að spila fyrir þremur árum síðan. Þetta hefur Vísir fengið staðfest hjá Keflvíkingum.
Hann er margfaldur Íslandsmeistari með Keflavík og langaði mikið til að spila aftur með Damon Johnson eftir að Keflavík tilkynnti um endurkomu hans.
Gunnar, sem er 37 ára gamall, kemur til leiks í betra formi en þegar hann hætti. Hann starfar sem einkaþjálfari og eins og sjá má á myndinni hér að neðan ætti hann að ráða við álagið í deildinni næsta vetur.
