Dóri DNA ætlar að verða jafn massaður og The Rock

Halldór Halldórsson, betur þekktur sem Dóri DNA, hefur lofað því að verða jafn massaður og leikarinn sem gengur undir nafninu The Rock, ef 500 manns ákveða að birta tístið hans á á Twitter-síðunni sinni, sem á ensku er kallað „retweet“.

Nú er rétt rúmur sólarhringur frá því að Dóri lagði fram þetta loforð á Twitter og hafa 205 manns tekið þátt í áskoruninni, með því að birta færslu Dóra.

Eins og sjá má á meðfylgjandi mynd er The Rock ansi massaður. Hann er þekktur leikari og þá helst fyrir leik sinn í Fast and the Furious myndunum. Hann varð fyrst frægur sem fjölbragðaglímukappi.

Það verður forvitnilegt að sjá hvort að 500 manns muni „endurtísta“ færslu Dóra.

500 RT og ég skal í alvöru verða jafn massaður og The Rock.

— Halldór Halldórsson (@DNADORI) June 29, 2014