Í bobba með bobbingana

Söngkonan Idina Menzel, sem er hvað þekktust fyrir að syngja titillag teiknimyndarinnar Frozen, skemmti í Radio City Music Hall í New York um helgina.

Idina klæddist leðurbrjóstahaldara og silfurlituðum kjól og lenti í smá ógöngum með dressið á miðjum tónleikunum.

Annað brjóst hennar var næstum því komið úr haldaranum þegar tónleikagestur tilkynnti henni það.

Eins og sést í meðfylgjandi myndbandi lét Idina þetta ekki á sig fá og leysti vandamálið af einskærri snilld.