Húsfyllir í opnun Öxney

Meðfylgjandi myndir tók Sigurjón Ragnar ljósmyndari í gærkvöldi þegar ný verslun, Öxney, opnaði formlega á Klapparstíg 40. Bryndís Ásmundsdóttir söng og Jón Arnar Guðbrandsson kokkur með meiru grillaði hamborgara fyrir gestina sem voru þetta svona líka kátir eins og sjá má.

„Það er mjög gott að sjá loksins fyrir endann á þessu en þetta hefur verið mikil vinna og þá sérstaklega við að koma húsinu í stand," sagði Ingibjörg Þorvaldsdóttir, sem er eigandi verslunarinnar ásamt Kötlu Guðrúnu Jónasdóttur, í samtali við Lífið.

Öxney er bæði búð og fatamerki sem stöllurnar hafa verið með í burðarliðnum síðan seinasta haust.

Smelltu á efstu mynd í frétt til að skoða albúmið í heild sinni.