Unnusta Charlie Sheen enn þá gift

Brett Rossi, fyrrverandi klámmyndastjarna og unnusta leikarans Charlie Sheen, á eftir að ganga frá skilnaði við eiginmann sinn.

„Þau hafa verið skilin að borði og sæng í tvö ár. Þetta snýst bara um hve fljótt pappírarnir fara í gegnum lagakerfið,“ segir Jeff Ballard, talsmaður Charlie. Hann segir þetta ekki skapa vandamál í sambandi Charlie og Brett, sem gengur undir gælunafninu Scottie.

„Charlie og Scottie leyna engu fyrir hvort öðru. Charlie er ljóst um þetta mál,“ segir Jeff en Charlie bað Brett um síðustu helgi.