Aftur boðað til mótmæla

Boðað er til mótmæla á Austurvelli á morgun, laugardag, og er það fimmti dagur mótmæla.

Tæplega 1400 manns hafa boðað komu sína á viðburðinn. Krafist er þjóðaratkvæðagreiðslu um áframhaldandi aðildarviðræður við Evrópusambandið.

Fjöldi fólks hefur lagt leið sína á Austurvöll síðastliðna daga til þess að mótmæla ákvörðun ríkisstjórnarinnar. Mótmælin hafa farið friðsamlega fram.

16,5% kosningabærra manna, eða rúmlega 40 þúsund manns hafa skrifað undir áskorun til stjórnvalda þess efnis að leita þjóðarviljans og leggja framhald aðildarviðræðna Íslands og Evrópusambandsins í dóm allra Íslendinga.