Ný tónlistarhátíð í Laugardalnum í sumar

Ný tónlistarhátíð verður haldin í Laugardalnum í júní. Breska hljómsveitin Massive Attack verður aðalatriðið á hátíðinni, en skipuleggjendur gera ráð fyrir að yfir þrjú þúsund erlendum tónleikagestum hingað til lands.

Hátíðin ber nafnið Secret Solstice og fer fram dagana 20-22 júní. Margir erlendir listamenn hafa nú þegar staðfest komu sína, en þar á meðal er hljómsveitin Massive Attack sem meðal annars hefur unnið til MTV og BRIT tónlistarverðlaunanna.

Íslenskir tónlistarmenn sem fram koma eru meðal annars Múm, Mammút, Samaris og Sísí Ey.

Að sögn skipupuleggjenda mun ásýnd Laugardalsins breytast töluvert helgina sem hátíðin verður haldin, en komið verður upp tveimur risasviðum auk þriggja minni. Þá verður tjaldsvæðið stækkað talsvert.