Vera og Damon eiga von á barni

Fjölmiðlakonan Vera Sölvadóttir og Edduverðlaunahafinn, leikarinn Damon Younger, eiga von á barni. Parið þykir eitt það flottasta á landinu en mikil leynd hvíldi yfir sambandi þeirra þegar þau byrjuðu að skjóta sér saman fyrir rúmu ári. Damon vakti landsathygli fyrir leik sinn í Svörtum á leik og Vera hefur getið sér gott orð á skjánum en hún er einn af þáttastjórnendum Djöflaeyjunnar. Frumburður þeirra Veru og Damons er væntanlegur í heiminn í júlí. Hilmar Örn Hilmarsson allsherjargoði gaf parið saman í febrúar í fyrra í miðnæturbrúðkaupi sem fram fór í Viðey að viðstöddum fjölskyldum þeirra og Megasi sem tók lagið í veislunni.