Lindex býður meðgöngufatnað

Í vor mun Lindex frumsýna nýja línu fyrir verðandi mæður en sala á henni mun hefjast í mars næstkomandi.  Við hönnun línunnar fékk Lindex til liðs við sig Lovisu Burfitt sem þekkt er fyrir teikningar sínar en hún hannar myndir sem prentaðar eru á þrjár gerðir af bolum í línunni. Lovisa Burfitt er ein af vinsælustu teiknurum í Skandinavíu, teikningar hennar eru heimsþekktar eftir samstarf hennar við nokkur af mest þekktustu tískuhúsum heims.

„Ég myndi segja að það væri einskonar Parísar-þema, ég heillast mjög af arkitektúrnum þar. Í mínum huga er París töfrum líkust,“ segir Lovisa Burfitt þegar hún er spurð hvaðan hún fékk innblástur við hönnun á MOM línunni.  

Vorlínan samanstendur af gallabuxum sem og öðrum buxum, pilsum, toppum og blússum. Litapallettan gefur möguleika á hinum ýmsu samsetningum. Efnisval var miðað við að ófrískar konur vilja frekar vera í mjúkum og þægilegum efnum. Við hönnun á flíkunum hefur verið hugsað útí öll smáatriði til þess að konan geti aðlagað flíkina eftir því sem maginn stækkar.

„Hugmyndafræðin á bak við þessa línu var að vera með gott úrval af buxum og gallabuxum en líka nokkur pils. Við bætum svo við toppum og stundum kjólum eftir því hvaða árstíð er. Með því að blanda saman mismunandi flíkum í línunni mun hún henta hinni  verðandi móður  vel út alla meðgönguna”, segir Katrin Pellmé, vörustjóri MOM línunnar hjá Lindex.

Fyrsti hluti vorlínunnar mun samanstanda af 20 flíkum en fleiri gerðir munu koma í byrjun apríl og maí.

Fleiri myndir af línunni má finna á facebook síðu Lindex á Íslandi.