Sumir hundar eru klárari en aðrir

,,Ég kenndi henni að halda á mat og nammi á trýni þar til að hún fær leyfi til að borða það," útskýrir Sigrún Kaya Eyfjörð annar eigandi Dívu sem er greinilega vel upp alin ef marka má meðfylgjandi myndskeið (neðst í frétt) þar sem tíkin bíður einstaklega þolinmóð með pönnuköku á trýninu þar til hún fær leyfi til að njóta matarins.

Góður vinnuhundur

,,Hún er mjög góður vinnuhundur og er dugleg að rekja slóð. Hún er einnig mjög góð í hlýðnivinnu eins og að ganga við hæl og hlýða öðrum skipunum en hún er sérþjálfuð í varnarvinnu eða protection work eins og það kallast á ensku.  Hún hefur einnig náð góðum árangri á sýningum og varð hún í öðru sæti sem Nordic Junior Winner.

,,Hún er af tegundinni Dobermann og er rúmlega sjö ára gömul. Hún heitir í ættbók Smart Wood Hill's Russian Rubin en er kölluð Díva," segir Sigrún en hún og Unnar Már Magnússon eiga Dívu saman.

Post by Sigrun Kaya Eyfjord.