Ég hef aldrei elskað rassinn minn

Biggest Loser-þjálfarinn Jillian Michaels segist ekki vera sátt við afturendann sinn í viðtali við sjónvarpskonuna Wendy Williams.

„Ég hef aldrei elskað rassinn minn. Hann passar vel í fötin mín. Ég get troðið honum ofan í gallabuxur en þegar ég fer úr þeim sígur hann niður,“ segir Jillian sem verður fertug í febrúar.

„Hann er nógu góður en þegar ég verð fertug langar mig að vera með eins góðan rass og mögulega hægt er,“ bætir Jillian við en segist ekki ætla að fara í fegrunaraðgerð til að hafa afturendann eins og hún vill.