Svona hættir þú að borða sykur

Þú hefur sennilega lesið langa lista sem segja þér hvernig þú átt að hætta að borða sykur. Heilsutorg.is gefur hér nokkur ráð sem sjá má hér: 

Sykur orsakar vítahring, stöðuga hungurtilfinningu, þreytu og skapsveiflur. Sykur eykur blóðsykurinn sem verður til þess að við erum full af orku og svífum á bleiku skýi en það er engin næring í sykri. Blóðsykurinn hrapar snögglega og skilur okkur eftir þreytt, svöng og skapvond. Sem orsakar það að við teygjum okkur í meiri sætindi. Sykur orsakar fitusöfnun í líkamanum. Hann kallar á líkamann að fara að framleiða meira insúlín sem segir fitufrumunum að safna meiri fitu. 

Fimm daga verkefni

Það skapar verki og er undanfari hjartasjúkdóma, sykursýki og krabbameins. Góðu fréttirnar eru þær að það tekur ekki nema fimm daga að draga úr sykurþörf líkamans, með því að taka allan sykur úr mataræðinu. Þá þarftu að hætta að borða fyrirfram unnin mat, sælgæti, kökur og drykki sem eru sykraðir, líka þessa sem eru kallaðir "diet" eða "light". Passaðu þig samt á því að borða ekki of mikið af ávöxtum á meðan á þessu stendur, miðaðu við einn skammt á dag. Slæmu fréttirnar eru þær að þessa fimm daga sem þú ert að hætta á sykri geta verið afar erfiðir. Það er til matur sem getur hjálpað þér og komið líkamanum að komast á rétt ról og þessir fimm dagar fljúga hjá án þess að þú takir eftir því.



Hvað skal borða þegar sykur er tekinn út úr mataræðinu

Prótein, fita og trefjar

Ástæðan fyrir þessu þrennu er einfaldlega sú að þú verður saddur/södd af því að borða þetta og í lengri tíma. Passaðu upp á að hver máltíð innihaldi eitthvað af þessu þrennu. Miðaðu við að um 25% af máltíð séu prótein með góðu fitunni eins og omega 3. Borðaðu til dæmis egg, hnetur, avokadó, ólifuolíu, hummus, lax og kjúkling.

Grænt grænmeti í staðinn fyrir brauð og pasta

Ástæðan fyrir þessu vali er sú að brauð er fljótt að breytast í sykur og þá ertu aftur á byrjunar reit. Grænmeti eru full af flóknum kolvetnum og þú verður saddari eða södd í marga klukkutíma. Það tekur lengri tíma að melta grænmeti en til dæmis brauð. Sem dæmi: Arugula og kale eru afar góð.

Matur sem er súr

Ástæðan fyrir þessu er sú að súr matur sparkar sykurlönguninni út um gluggann. Sem dæmi: Súrkál eða kimchi.

Sjá meira á síðunni Heilsutorg.is.