"Ef landsmenn borðuðu hollari mat þá þyrftum við ekki fleiri milljarða í Landspítalann"

Í dag kemur út ný bók sem Lukka Pálsdóttir, eigandi veitingastaðarins Happ, hefur skrifað og fjallar um mataræðið Fimm:Tveir og hvernig hægt er að nota þetta mataræði sem forvörn gegn sjúkdómum. Sjálf segist Lukka hafa grennst þó nokkuð á mataræðinu. 

“Það sem stendur upp úr ekki að magamálið sé minna heldur er það líkamleg vellíðan því áralangir mjóbaksverkir eru nú á bak og burt. Maðurinn hefur í gegnum þróunarsöguna alltaf farið í gegnum tímabil þar sem hann hefur ekki fengið nógan mat og þurft að líða skort, þangað til núna. Við búum við ofgnótt af mat og að fasta, innan gæsalappa, eykur insúlínnæmi frumanna og frumurnar fara í viðgerðarferli,“ segir í viðtali við Marín Möndu í Lífinu fylgiblaði Fréttablaðsins í dag.

„Ef landsmenn færu svangir að sofa tvisvar í viku og borðuðu hollari mat þá þyrftum við ekki fleiri milljarða í Landspítalann því við værum heilbrigðari þjóð," segir hún jafnframt.

„Þetta gengur út á það að í tvo daga í viku á að skerða hitaeiningafjöldann sem maður neytir og borða venjulega þess á milli. Þetta er framkvæmanlegra, auðveldara og sveigjanlegra en margir aðrir kúrar eða mataræði því fólk getur oft verið félagslega einangrað á mjög stífum kúrum.“