Jersey Shore til Mexíkó

MTV Latin America hefur hafið þróun á mexíkóskri útgáfu af Jersey Shore, en upprunalega útgáfan gerist í New Jersey. 

Þættirnir bera vinnuheitið Mexico Shore og verða frumsýndir í september. Ekkert hefur verið gefið upp um hvar þættirnir eru teknir.

Þetta er ekki fyrsta tilraun MTV til að endurgera Jersey Shore. Breska útgáfan, Geordie Shore, sem gerðist í Newcastle, fékk gríðarlegt áhorf og gerðar voru sjö seríur af þáttaröðinni.

Spænska útgáfan, Gandia Shore, var frumsýnd í október 2012 og um þessar mundir er verið að taka upp aðra seríu.