Risa tap hjá Herði og félögum í Valladolid

Hörður Axel Vilhjálmsson og félagar í Valladolid sáu aldrei til sólar gegn Unicaja í spænsku úrvalsdeildinni í körfubolta í kvöld. Unicaja vann með 54 stiga mun 112-58.

Valladolid mættu ofjörlum sínum í leiknum og máttu þola enn eitt stórtapið á tímabilinu. Hörður skoraði 5 stig fyrir Valladolid sem er í neðsta sæti deildarinnar. Unicaja er í 3. sæti.

Jón Arnór Stefánsson er enn meiddur og kom því ekkert við sögu þegar CAI Zaragoza skellti Tuenti Movil Estudiantes 89-62 í kvöld. Zaragoza er um miðja deild með 8 sigra í 15 leikjum. Estudiantes er í næst neðsta sæti með þrjá sigra, einum meira en Valladolid.