Magnaðar fæðingarmyndir

Erna Hrund Hermannsdóttir förðunarfræðingur og bloggari Reykjavík fashion Journal á Trendnet.is eignaðist sitt fyrsta barn fyrir ári síðan og bloggaði áhrifaríka færslu í tilefni eins árs afmæli sonarins. 

Í bloggfærslu sinni sem hún birti þann. 30. desember segir hún frá fæðingarsögu sinni á mjög opinskáan hátt en sonurinn fæddist eftir rúmar þrjátíu klukkutundir. Í færslunni segir hún:

"Fæðingin tók já rúma 30 tíma, innihélt mænudreifingu, drip, sýklyf í æð, hita í fæðingu, sogklukku, mikinn blóðmissi, vesen með þvagblöðru sem endaði með 3 lítra blóðgjöf og svo miklu miklu meira. En vitiði hvað þetta var bara eiginlega ekkert mál og ég myndi hiklaust gera þetta aftur. Þetta er það magnaðasta sem ég hef nokkurn tíman gert á ævinni og ég upplifði mig sem ódauðlega manneskju sem gæti gert allt – fyrst hún gat komið 17 merkur barni útum klofið á sér. Ég mæli hiklaust með þessu og ég hlakka til að gera þetta aftur."

Þá birtir hún einnig magnaðar myndir úr fæðingunni eftir Aldísi Pálsdóttur ljósmyndara sem var viðstödd fæðinguna og var að mynda fyrir íslenska meðgöngubók sem er væntanleg síðar á árinu.

Erna Hrund fer fögrum orðum um Aldísi sem hún segir að hafi veitt sér ómetanlegan stuðning og nú séu þær tengdar órjúfanlegum böndum. Fæðing er svo sannarlega mikið kraftaverk. Hér deilir Ernu Hrund ómetanlegum augnablikum úr lífi sínu.  

"Eftir rúma 30 tíma hríðir var ég orðin örmagna. Ég vissi ekki hvar ég átti að fá kraft til að fæða barnið mitt.  Það lá við að ég fagnaði þegar læknarnir komu inn með sogklukkuna. Loksins sá ég fyrir endann á þessari fæðingu. Þarna er klukkan 09:13, tæpum klukkutíma seinna lá ég með soninn í fanginu."

"Lítið andlit á fullkomnum prinsi lætur loksins sjá sig eftir alltof langa bið. Að fá að fæða barn á eðlilegan hátt verð ég ævinlega þakklát fyrir. Ég fann fyrir kraftinum sem ég bjó yfir þegar ég fann hann fara í gegnum leggöngin. Þetta var versti sársuki sem ég hef fundið en vá hvað þetta var magnað. Ég fattaði hvað það var sem gerir það svo einstakt að vera kona, það er að fá að gera þetta."