Charlie Sheen fær sér húðflúr

Ærslabelgurinn Charlie Sheen fékk sér húðflúr um leið og hann kom aftur heim til Bandaríkjanna eftir dvöl á Íslandi. 

Hann setti mynd af sér í stól hjá húðflúrmeistaranum Gary James á Twitter en á myndinni sést nýbökuð eiginkona hans, klámmyndastjarnan Brett Rossi, halda í hendina á honum.

Charlie og Brett giftu sig á Íslandi um helgina en þau byrjuðu að deita í nóvember á síðasta ári. Þetta er fjórða hjónaband Charlies. Hann kvæntist Donnu Peele árið 1995 en þau skildu ári seinna. Síðan kvæntist hann Denise Richards og entist það hjónaband frá 2002 til 2006. Hjónaband hans og Brooke Mueller entist síðan frá 2008 til 2011.