Paleo versta megrunarfæðið

Steinaldarmataræði lenti í síðasta sæti á lista yfir besta megrunarfæðið. Listinn var settur saman af næringarfræðingum, sérfræðingum í sykursýki, hjartasjúkdómum og megrunum.

Fjölmiðillinn U.S. News tók saman listann. Sérfræðingarnir báru saman 32 megrunarafbrigði með tilliti til sjö þátta. Þessir þættir voru meðal annars langtíma- og skammtímaárangur, hversu auðvelt er að fylgja mataræðinu, áhætta og næringargildi.

Þeir sem eru á paleo-mataræði reyna að fylgja mataræði steinaldarmanna. Það þýðir að borða mikið prótein, en forðast til dæmis sykur og mjólkurvörur.

Listinn er hér.