Hugsanlega hefur öryggisól brugðist

Miklar líkur benda til þess að öryggisól hafi brugðist þegar Andri Freyr Sveinsson lést í rússíbanaslysi í skemmtigarðinum Terra Mítica þann 7. júlí síðastliðinn.

Þetta hefur fréttavefur Europa Press eftir heimildum frá lögregluyfirvöldum í Valencia sýslu sem rannsakar nú málið. Ennfremur er verið að kanna hvort hraðinn á tækinu hafi verið of mikill þegar slysið átti sér stað.

Tækið, sem kallast Inferno, var sett upp í skemmtigarðinum árið 2007, að sögn Joaquin Valera, framkvæmdastjóra garðsins. Það er framleitt hjá þýska fyrirtækinu Intamin. Það þarf að fara í gegnum árlega skoðum auk þess sem tæknimenn garðsins fara yfir tækin daglega.